सुट्टीतले उपक्रम (की उपद्व्याप ? ;-) )

लहान मुलांना उन्हाळी सुट्टी लागली की आया खूपच बिझी होऊन जातात. सतत मुलांना कामाला लावावे लागते. म्हणजेच सतत कशात ना कशात गुंतवावे लागते. नवनवीन अ‍ॅक्टिविटीज, क्राफ्ट्स, नवीन काही खेळ असं काही ना काही शोधून काढावं लागतं. तर असचं एकदा लेकीसोबत पेपा पिग पहाताना पॉली नावाचा पोपट बनवून पाहू असं माझ्या डोक्यात आलं आणि मग आम्ही आपापला पॉली द पॅरट बनवला 🙂

साहित्यः एक कोरा (पांढरा) कागद, हिरव्या रंगाचा पेपर (कन्स्ट्रक्शन पेपर/जाड कागद), गुगली eyes, निळ्या, काळ्या, लाल, चॉकलेटी/brown रंगाचे स्केचपेन्स(मार्कर्स),  निळ्या, लाल, केशरी रंगाचे क्रेयॉन्स, फेविकॉल/डिंक/स्कूल ग्लू, कात्री

कृती:
१) हिरव्या कागदाचा अंडाकृती(Oval) आकार कापून घ्या.
२) तो कोर्‍या कागदावर मध्यभागी चिकटवा. हे झालं पक्षाचं शरीर.
३) गुगली डोळा हिरव्या कागदावर फोटोत दाखवलेल्याप्रमाणे चिकटवा.
४) पक्षाच्या डोक्यावर निळ्या स्केचपेनने तुरा काढा. निळ्या क्रेयॉनने तो रंगवा.
५) brown मार्करने चोच काढून घ्या. ती केशरी रंगाने रंगवा.
(मी इथे केशरी कागद चोचीच्या आकाराचा कापून चोच म्हणून चिकटवला आहे. तसही करता येईल.)
६) लाल मार्करने पक्षाची शेपूट काढून ती लाल क्रेयॉनने रंगवा. काळ्या मार्करने पक्षाचे पाय काढा.
अशा प्रकारे सुरेख पॉली पॅरट तयार.

Image

तसं पेपा पिग सेरीजमधली सगळीच पात्रं काढायला सोपी आहेत. ती हळूहळू एकेक बनवून पहायची आहेत खरी. बघू कसं जमतं ते. ह्या कॅरॅक्टर्सची पपेट्स बनवून त्यांच्याशी खेळायला पण मुलांना आवडेल. तर ह्या पॉलीचही पपेट बनवता येईल.

पॉलीचं पपेटः
ह्या वर बनवलेल्या पॉलीच्या चित्रामागे अजून एक पेपर चिकटवायचा. तो चिकटवताना दोन्ही पेपरच्या मध्ये, मधोमध एक क्राफ्टस्टिक घालून (म्हणजेच दोन पेपर्सच्या मध्ये क्राफ्टस्टिक सँडविच करून) फेविकॉल/स्कूल ग्लू ने ती चिकटवायची. पॉलीचं पपेट तयार. हे पपेट अजून आकर्षक करण्यासाठी ते पॉलीच्या आकारानुसार कापून घ्या. मग तर आणखी छान दिसेल.

पेपा पिगचा पॉलीबरोबरचा हा एपिसोड,

 

Advertisements

काही चांगल्या वाचनीय साइट्स

१) बालभारती कविता
http://balbharatikavita.blogspot.com/

२) मराठी पुस्तक परिचय
http://pustakveda.blogspot.com/

३) आठवणीतली गाणी – मराठी गाणी आणि त्याचे लिरिक्स
http://www.aathavanitli-gani.com/Geet_Prakar

४) ‘चांदोबा’मराठी मासिकाचे अंक
http://www.chandamama.com/archive/MAR/storyArchive.htm

५) काही मराठी ई-बुक्स
http://ebooks.netbhet.com/

६) आपला लाडका चिंटू
http://www.chintoo.com/Marathi_Comics.aspx

नसतेस घरी तू जेव्हा… (विनोदी)

नसतेस घरी तू जेव्हा…     ( विनोदी विडंबन )
कवी – केशवसुमार

नसतेस घरी तू जेव्हा
जीव हलका हलका होतो
पीण्याला जमती सारे
अन्‌ एकच गलका होतो

नभ फाटून वीज पडावी
जल्लोश तसा मी करतो
ही शुद्ध जरा क्षीण होते
अन्‌ पती बोलका होतो

येताच विड्या ओठांशी
मी दचकून बघतो मागे
खिडकीशी थांबून ओढा
मग गंध तयांचा जातो

तव घरात अवतरण्याच्या
मज स्मरती घातकवेळा
घर भरभर अवरून सगळे
मी पुन्हा सात्त्विक होतो

तू सांग सख्या मज काय
तू केले मी नसताना ?
माझा मग जीव उगाच
भात्यासम धडधड करतो

ना अजून झालो चालू
ना हुशार अजुनी झालो
तुज पाहून मी डगमगतो
अन् चरणा वर तव पडतो !

——————————————————————————————————

टीप – कवीच्या पूर्वपरवानगीने ही कविता या ब्लॉगवर पोस्ट केली आहे.

पुन्हा घेतली मी भरारी वगैरे …

पुन्हा घेतली मी भरारी वगैरे…                                                                                                             कवी – वैभव जोशी

पुन्हा घेतली मी भरारी वगैरे;
पुन्हा सज्ज झाले शिकारी वगैरे.

खरा प्रश्न मी टाकलेलाच नाही;
तुझा मात्र चेहरा विचारी वगैरे.

बिचारा खरोखर भिकारी निघाला;
मला वाटले असेल पुढारी वगैरे.

म्हणा तूच किंमत करावी माझी;
तुला शोभते अशी सावकारी वगैरे.

कशाचीच आता नशा येत नाही;
तसा घाव होतो जिव्हारी वगैरे.

तिथे एकटा तोच होता दरिद्री;
रुबाबात होते सारे पुजारी वगैरे.

आता फक्त भेटी होतील मनांच्या;
मळभ दाटलेल्या अशा दुपारी वगैरे.

किती जीवना रोज देतोस धमक्या;
दिली का यमाने तुला सुपारी वगैरे.

असे ऐकले शेवटी न्याय होतो;
पुढे काय झाले निठारी वगैरे…

 

या सुंदर कवितेचं तितकचं अप्रतिम काव्यवाचन सचिन खेडेकर यांनी ‘खुपते तिथे गुप्ते’ मध्ये केलं आहे. ते नक्की पहा.