सुट्टीतले उपक्रम (की उपद्व्याप ? ;-) )

लहान मुलांना उन्हाळी सुट्टी लागली की आया खूपच बिझी होऊन जातात. सतत मुलांना कामाला लावावे लागते. म्हणजेच सतत कशात ना कशात गुंतवावे लागते. नवनवीन अ‍ॅक्टिविटीज, क्राफ्ट्स, नवीन काही खेळ असं काही ना काही शोधून काढावं लागतं. तर असचं एकदा लेकीसोबत पेपा पिग पहाताना पॉली नावाचा पोपट बनवून पाहू असं माझ्या डोक्यात आलं आणि मग आम्ही आपापला पॉली द पॅरट बनवला 🙂

साहित्यः एक कोरा (पांढरा) कागद, हिरव्या रंगाचा पेपर (कन्स्ट्रक्शन पेपर/जाड कागद), गुगली eyes, निळ्या, काळ्या, लाल, चॉकलेटी/brown रंगाचे स्केचपेन्स(मार्कर्स),  निळ्या, लाल, केशरी रंगाचे क्रेयॉन्स, फेविकॉल/डिंक/स्कूल ग्लू, कात्री

कृती:
१) हिरव्या कागदाचा अंडाकृती(Oval) आकार कापून घ्या.
२) तो कोर्‍या कागदावर मध्यभागी चिकटवा. हे झालं पक्षाचं शरीर.
३) गुगली डोळा हिरव्या कागदावर फोटोत दाखवलेल्याप्रमाणे चिकटवा.
४) पक्षाच्या डोक्यावर निळ्या स्केचपेनने तुरा काढा. निळ्या क्रेयॉनने तो रंगवा.
५) brown मार्करने चोच काढून घ्या. ती केशरी रंगाने रंगवा.
(मी इथे केशरी कागद चोचीच्या आकाराचा कापून चोच म्हणून चिकटवला आहे. तसही करता येईल.)
६) लाल मार्करने पक्षाची शेपूट काढून ती लाल क्रेयॉनने रंगवा. काळ्या मार्करने पक्षाचे पाय काढा.
अशा प्रकारे सुरेख पॉली पॅरट तयार.

Image

तसं पेपा पिग सेरीजमधली सगळीच पात्रं काढायला सोपी आहेत. ती हळूहळू एकेक बनवून पहायची आहेत खरी. बघू कसं जमतं ते. ह्या कॅरॅक्टर्सची पपेट्स बनवून त्यांच्याशी खेळायला पण मुलांना आवडेल. तर ह्या पॉलीचही पपेट बनवता येईल.

पॉलीचं पपेटः
ह्या वर बनवलेल्या पॉलीच्या चित्रामागे अजून एक पेपर चिकटवायचा. तो चिकटवताना दोन्ही पेपरच्या मध्ये, मधोमध एक क्राफ्टस्टिक घालून (म्हणजेच दोन पेपर्सच्या मध्ये क्राफ्टस्टिक सँडविच करून) फेविकॉल/स्कूल ग्लू ने ती चिकटवायची. पॉलीचं पपेट तयार. हे पपेट अजून आकर्षक करण्यासाठी ते पॉलीच्या आकारानुसार कापून घ्या. मग तर आणखी छान दिसेल.

पेपा पिगचा पॉलीबरोबरचा हा एपिसोड,

 

Advertisements

पेन स्टँड (Simple Arts and Crafts)

वॉलमार्टमध्ये मिठाचे जे छोटे गोल कंटेनर मिळतात ते पाहून त्यापासून पेन स्टँड करायची कल्पना डोक्यात आली. म्हणून पेन स्टँड करून पाहिला. सुबक झाला. शिवाय एका सॉल्ट कंटेनरचे रिसायकलिंग झाले, टाकाऊतून टिकाऊ. करायला सोपा आणि पेन/पेन्सिल/कात्री ठेवायला उपयोगी अशा पेन स्टँडची ही कृती. नक्की करून पहा 🙂

साहित्यः एक रिकामा मिठाचा गोल डबा, एक फॅन्सी पेपर (gift wrapping paper), कात्री, एक (नटराज) पेपर कटर, डिंक/ग्लू/फेविकॉल

कृती:
१) पहिल्यांदा सॉल्ट कंटेनरचा वरचा गोलाकार भाग (टॉप) पहा. त्यावर पेनाने/मार्करने कडेपासून बोटभर जागा सोडून एक सर्कल काढा. ह्या सर्कलवर पेपर कटर फिरवून गोलाकार कापून घ्यावा.

२) आता कंटेनर कव्हर करण्यासाठी लागेल एवढा फॅन्सी पेपर कात्रीने कापून घ्यावा. कंटेनरच्या उंचीच्या दोन बोटं वर येईल इतक्या रूंदीचा आणि कंटेनर पूर्णपणे कव्हर होईल इतक्या लांबीचा पेपर कट करावा.

३) कंटेनरच्या बाहेरील बाजूस सगळीकडे ग्लू लावून घ्या. आता त्याला फॅन्सी पेपर गुंडाळून घ्या. कंटेनर व्रॅप केल्यावर त्याच्या उंचीपेक्षा थोडा जास्त कागद घेतल्याने जो ज्यादा कागद राहिला आहे तो सर्व बाजूंनी कंटेनरच्या आतल्या साइडला फोल्ड करून घ्या.

टीपः
हा मिठाचा डबा, पेन स्टँड जितक्या उंचीचा हवा आहे तितक्या उंचीवर कट करून हवा तसा पेन स्टँड बनवता येईल.

IMG_3794

IMG_3796